هالووو ايفري بادي

 

اليوم يبت لكم خوش بلوق من الي بيحبه قلبكم >>> دعايه مازولا

 

ذاك اليوم كان يوم الاربعاء وكانو ربعنا المتفوقات عندهم حفل تكريم في بريك الغدا طبعا انا وميسا تمينه بروحنا وقعدنا ندور ولمه يات الحصه الاخيره صرحوا حق حظرة المتفوقات بالخروج وعدم حظور الحصه الاخيره >> اكبر ظلم لنا احنا وعدم احترام مشاعر صغار الطلاب مثلنا ... المهم كان علينا حصه الحاسوب IT وتمنيا متمللين و اخرتها كتبنا ابيات شعر عامله عمايلها ..

 

بليز قبل لاتقرون لازم تعرفون انها عبط × عبط

 

 

صباح الليل في وضح النهار

أنا وميسا نمشي بانبهار

على خط الفصول ثم نلف يسار

نسمع السوالف و أخر الاخبار

وفجأه طاح الاختيار

بعد طول تفكير أعلنا الانتحار

ومادرينا بالي جرا والي صار
قعدنا ناكل خيار
ومره وحده طلعلنا فار
وعقولنا طارح مع الغبار
وكان الجو موت حار
وشفنا بنت الجار .. واقفه عند الدار
تنطر الطيار .. تبي تروح المطار
سبحان الخالف الجبار

على هذي الخرابيط والافكار

 

وسلماتكم

 

>> صح لسانج

<< صح بدنج

السلام عليكم

 

ادري بتستغربون من الموضوع (( بقايا من القلب الى القلب ))

 

خلاص شطبت وماراح اكمل باقي الاجزاء لانه الي اشوفه احين في الفصل الثاني لنا في ثالث ثنوي يخليني اغير كل افكاري الي كتبتها

 

على اخر سنه وفي اخر فصل يجمعنا

 

بعد 4 سنوات >> وقسم بالله عشرة عمر

 

يستوي هذا كله

 

مافي داعي اذكر الي صار لانه صراحه تافه وسخيف

 

واحنا اكبر من هالشئ واكبر من الي يصير كله و انا مارضا على اي حد من ربعي او زميلاتي حتى لو كان كل الي بيني وبينها السلام وبس

 

اسفه لكل البنات الي كان المفروض يجي دورهم في الاجزاء الجايه بس للاسف الله ماكتب

 

خلوني اكمل موضوعي

 

من القلب الا القلب

 

احين بس عرف الناس الي صج صج يستاهلون هالجمله

 

المها

 

هذي جمله كتبتها هي لي وانا ارجع اكتبها لها مع خالص الاحترام والتقدير

 

عـرفتك صادق الإحساس عرفتك غير عن هالناس تداوي الجرح .. وتجبر خاطر المجروح .. حنون القلب وكلماتك ترد الروح..أنت الصــديق اللي صـفا لي وداده ... وانت العزيز اللي له القلب يرتاح

 

دولي

 

انا وانتي بنخلص كل شئ مع بعض ان شاء الله

وبنستوي بزنس وومنز وبنسوق بي ام دبليو كشف

وبنشيل شناط البزنس مين و بنمشي في الارض وهي ماتقوا تشيلنا

>>> احلام اليقضه

 

ميساء

 

استاذه نتعلم منج الصدق والصداقه الحقيقيه يمكن اني تعرفت عليها من سنه ونص غير عن دولي ومها بس ياليت الناس الي كنت اعرفهم قبلها من 3 سنوات يكونون مثلها تخيلوا الصداقه شلون بتصير

 

 

وطبعا تشوفونهم على اللست الي على اليسار

 

والله العظيم يستاهلون

 

 

 

وخلاص

 

خلص الموضوع ...تم

 

 

 

 

 

 

 

 

 

اليوم تاريخ ( 9 -2 - 2006 ) خذنا لاب كيميا والله لايرويكم ياهي ريحه كريها اعوذ بالله

 

 

وفي الفيزيا كل التجارب ماتشتغل

 

اشكره من الاعماق

 

هلا وغلا بكل زوار سبيسي

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

للاستماع

 

 

 

 

 

 

 

 

 

 

 

الجزء الرابع

 

ثاني ثانوي 2

 

*وفي الفصل الاول جرت العاده ان الصفوف كانت احزاب طبعا صفنا كان فيه احزاب بس من تحت الا تحت يعني بدايه الفصل كانت ((امل)) تبط جبدنا وترفع ضغطنا وكنا انا واعتدال نستغرب شلون ((شوق)) الملاك البريء يمشي مع هالشئ المتكبر .. بس بعدين اكتشفنا انه احنا كنه غلطانين ويمكن هالشئ اكثر تبين في ثالث ثانوي وبتعرفون بعدين

المهم المهم خلونا احنا احين في ثاني ثانوي

 

*وجرت الايام واحنا ( الثلاثي المرح ) مندعسين في لوكر اعتدال وشناطنا في لوكر مها وانا لوكري ايه عليه المسكين مقفول لين ما الله يكتبله

عاد المشكله مب جذي المشكله انه اعتدال واااااااااااااايد مرتبه واحنا ناس معفوسه فكانت كل شوي تقعد ترتب الملفات وحاله واحنا نعفس مانعرف نخلي الشئ مرتب يدنا تاكلنا

وكنا نتوهق لمه هي تغيب لانه المفتاح عندها صج حرة نذاله نعيش طول اليوم بدون كتب راس مالنه المقلمه

او نروح نشحت مفتاح من مس مريم او والحل الاخير الي اكتشفاه متاخر انه نفتح اللوكر من فوق فينفتح القفل>> سحر.. هاي الله يسلمكم مثال للجوده العاليه لخزاين المدرسه مع نظام الامن الكامل فول ابشنز مصنوع خصوصي علشان مدرستنا باتفاق مع شركه بي ام دبلو علشان يسون لنا لوكرات مدرعه و نظام امن وسلامه ..

بس شركه بي ام دبلو ماكانت قد الاتفاق طلعو خرطي

فسوت للمدرسه لوكرات توقع اي يوم اتطيح على راس وحده من البنات وياكثرهم الي عانوا واللوكر مايصكر الا بالشوت والرفس والبكسات يجبرون البنات انهم يكونون خشنين لاحول ولاقوه الا بالله والسكيورتي سستم ياهو خطير تقفل اللوكر وتروح البيت متطمن على الكتب الثمينه وترجع الصبح عادي تلاقين اللوكر مفتوح لانه ينفتح من فوق

والصراح انا ماتوقعت هالشئ من شركه كبيره مثل بي ام

ومادري شلون المدرسه سكتت عنهم.

خخخخخخخ خلونا من هالشئ احين احنا كل مايدق الجرس لازم نروح ناخذ كتبا في 4 دقايق بالضبط حق الحصه الي بعدها بس شلون 3 بنات في لوكر واحد يلحقون ياخذون كتبهم ويروحون ... انا اقولكم شلون ,, بس خلكم مركزين لانه المسئله وايد دقيقه

اولا : انا كنت دايما اول وحده لاني الاقصر وبعدين احذاي على اليمين مها وفي النص وراي على طول اعتدال طبع ماتعطل تاخذ من فوق ولا كاني موجوده عادي عادي

وهاي الله يسلمكم حتوته اللوكرات

وتوته توته خلصت الحتوته حلوه وله فتفوته ؟؟

اكيد حلوه

خخخخخخخخخخ

 

 

*نرجع لسالفتنا الاولى سالفه الاحزاب .. واحنا متحزبين كان في وحده ضايعه بيت الاحزاب لا حزب ولا شله احتياط ولا هم يحزنون مسكينه يعني لو تسالوني شنو كانت تسوي في بدايه الفصل الاول ماقدر اجاوب لاني ماتذكرها ذاك الوقت بس بعدين عرفتها شلون مادري بس المهم انها واااااااايد ستايلي وايد تفهمها وهي طايره وفي شئ محد يفهمه في الشله غيري وغيرها خخخخخخخخ بروفشنالز

 

*خلونا في عنوان يديد لانها تستاهل وانا كريمه >>لحول... هالبنت الله يسلمكم اسمها (( ميساء )) هالبنت الي وايد مثلي :

طيبه

خلوقه

ذكيه

تحب القهوه

تكسر الخاطر ساعات

تطلع الاخطاء في الشخص والحلو انها تقول

لها ستايل معين

ماتقعد مع الي ماتحبهم مجامله وان قعدت ماطولت ولاكثرت في الكلام

تسكت اذا حد غلط ماتعرف ترد بسرعه

 

والي بيرافجها لازم يعرف انه في دايما

" شخص يفهمه "

 

اتذكر مره كنا في حصه الكيميا وبعدها بريك

عاد كنت انا متضاااااااايقه من تطبيقات الكيميا ودرجاتي وهي بعد نفس الشئ قعدنا نطالع بعض دمعت عيونا وقعدنا نصيح والشيوخ اعتدال ومها طاقينها سالفه ولادروا عنا ولا سمعوا ورحنا وكان كل شئ طبيعي واحين بس يمكن يدرون.

وفي مواقف وايد بس ماضن انها مفروض تنقال

 

وختامها مسك

 

ولنا عوده

 

يتبع

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

اعتذر لاني مب منزله الاجزاء الباقيه من حلقات

 

 

 

 

 

اكتب هذا البلوق وقلبي ينبض خوفا من امتحان الرياضيات وباقيلي الفصل الثالث يتكون من 27 صفحه والله المستعان

 

 

 

 

واتمنى من كل شخص يمر يدعو لجميع طلاب وطالبات قطر التوفيق في امتحانات

 

 

 

وطلب العلم كالجهاد في سبيل الله

 

 

 

 

 

الجزء الثالث

ثاني ثنوي

 

 

*اول يوم مدرسه كالعاده يصفونه طابور بس لانه كان حر وموت دخلونه داخل قاعده الرياضه مب حبا وحرصا علينا لا بس خايفين على شعورهم لاتقب

المهم صفونه طابور وكل وحده تدور اسمها وهي في اي صف وانا لين اليوم احمد ربي واشكره لانهم حطو معاي مها واعتدال في الصف بس ياحسرتين يعطون شئ وياخذون شئ خذو فاطمه وخذو شذى وخذو هيا اهئ اهئ اهئ اهئ ايام المشمش

 

* اول حصه في اول يوم دراسي كانت كيميا ويالها من حصه تخيوا من كان يدرسنا زنيتا  مدرسه :
مرعبه
افريقيا امريكيا وزوجها سوداني
تعرف تكلم عربي وتفهم بس خاشه عن الكل
كلمتها المشهوره not in my class مايحتاي اوضفلكم طريقه النطق
وبعد كله تقول in America  ( القرد في عين امه غزال )
اييي صح اهم شئ save the environment and right 6 papers notes
اي صح بعد don’t cat the trees

*تذكرون الاب ريبورت بو ميتين صفحه الي محد عرف يحله ياحليلنا كنه وايد خايفين نكسر الخاطر فقاااااااااااره لين ماعلنت انسحابها مادري طردوها لانها ماتكتب عنوان الدرس خخخخخخخخخخخ وصلحتلنا اللاب ميس فايزه وكلنا علامات كامله يحليلنا الله انقذنا من المصيبه .

 

* المهم احين انه طلعنا من مصيبه هاي دشينه في مصيبه اكبر شندانا اهئ اهئ حصه بايخه ناخذ 5 دروس في حصه وحده مايهياها نقعد 5 دقايق مرتاحين بدون درس مااااااااايهياها ابد ابد ابد.

* ودارت الايام في ثاني ثنوي وكنا ننطر يوزعون مفاتيح اللوكرات وبعدين شنو هاااااااااي مافي حق لوكري ولا لوكر مها مفتاااح

بس اعتدال عندها مفتاح فكنا ثلاثتنا في لوكر واحد ( صبرا جميل والله المستعان )

* تعرفون شنو الحلو في هالسنه بعد انه تعرفت على بنات كانوا معاي من قبل بس صرت اعرفهم اكثر
((لولوه)) :

طيبه

ذكيه

كسوله

عيووووووووووز الصف

مهتمه بحل مشاكل المجتمع

كافه عافه في حالها

تضحكني وايد يحليلها

 

* والي يقعد معاها اظمن له مستقبل لغوي مشرق *

((خلود)) :
حياويه

هاديه

مايبين عليها شئ

اممممم

شنو بعد

مافي شئ خلصت خخخخخخخخخ

 

* .. مادري شاكتب اهني .. *

 

* ايييييييي زين تذكرت وماراح عن بالي في بدايه السنه في وحده كان ودي اشنقها الي هي (( نوف )) باطه جبدي كانت تقهرني كل مادشت مدرسه تقولها انه بنات صفي مملين وبايخين بالعربي خايسين اقسم بالله قهر

بس عقب طلعت بنت غير العكس تماما والي مايعرفك مايثمنك و ..إلخ

*تدرون في هالسنه صارت تغيرات وايد يعني كنا دفشين و متحوحشين وقبيحين بس تقلبنا 180 درجه .. صرنا ناعمين ع الخفيف وصرنا احلى ( امحق بنات بس )

المهم صارت تغيرات طارئه واهتماماتنا تغيرت من the rock  وربعه الى مكياج وملابس واخر موضه

 

*كنا نضحك وانا بالذات كنت ذاحتهم خشمي كبر عيوني يلمعون عيوني صفر شعري خفف شعري طول باقص شعري حلجي عوي .. الخ

ومن المسكينه الي كانت تعاني مني خلود خخخخخخخخخخخخخخخخ

مسكينه والله العظيم كل شوي اقولها وبعد من مسكين غيرها ((مريم)) كنت كل شوي اخذ منظرتها

الله يسلمكم هذي مريم :

بنت هااااااااااديه

في ثالث اعدادي كانت تقعد في قروب الحمامصه وكنا نعتقد انها حمص مثلهم بس العكس تماما كنت غلط بينهم

تخرع بسرعه

حناااااانه

تخرع الواحد على شئ سخيف

مؤدبه

ماتعرف تحكر حق الثاني

ماتعرف اذا انت تستعبط او لا

على نياااااااتها مسكيييييييينه

 

طبعا هذيلا الي زادت علاقتي فيهم في بدايه الفصل الاول

 

يتبع

الجزء الثاني

 

اول ثانوي :

 

*في هذي السنه دخلنا على المدرسه المعروف عنها بالهدوء والبنات العاقلين المطيعين وسببنا ازعاج بعددنا وبشيطانتنا الي مالها حدود كنه متخرعين مادري ليش بس لين احين احسن من اول ثانوي الدفعه هذي

على الاقل كنه شايفين خير خخخخخخخخخخخخخخخخ

 

*في هالسنه كنت احاتي انه مايخلون مها  و تماضر معاي بالصف بس الحمدالله عطوني مها بالصف وخذوا تماضر بس شنقول العوض ولا الحريمه بس في هالسنه الله عوضني عن تماضر ببنت حليوه يحكى انه اسمها(( إعتدال ))

انا كنت اعرفها شكلا واسما فقط من الاعدادي على ايام مدرسة خليفه الاعداديه وعلى ايام مدرسه خوله و كانو مطلعين عليها اشاعه انه امها ملكه جمال لبنان

بس تعرفت عليها عدل في اول ثانوي والقصه وايد تضحك

المراد الله يسلمكم انه ذاك اليوم اول يوم مدرسه طبعا كنه انا ومها قاعدين في قروب وجات اعتدال واقعدت احذانه اشكره اشكره وحده ماعندها حد وماصدقت تلقى حد تقعد معاه تمشي يومها على السريع

واذا ماخانتني الذاكره كنه نسولف عن الاغاني وويست لايف والافلام  المهم سوالف من هالنوعيه المهم مب هالسالفه ..السالفه  اني ماحسيت انه اعتدال طويله الى ذاك اليوم على كثر ماشوفها وله عمري انتبهت الى ذاك اليوم

طبعا هي كانت قاعده احذاي وهي قاعده مايبين بس وقفنا لمه طق الجرس بنطلع لفيت ويهي ابي اكلمها الى ماشوف ويه وين الويه وين راح لازم ارفع رقبتي فوق علشان اشوف من ذاك اليوم حسيت انه اعتدال طويله طول خيالي ناطحة سحاب يمكن _ تعجز اناملي عن التعبير _ ماشاء الله.

 

*هذي اعتدال بنت خياليه يمكن هبله شوي بس هي الوحيده في الدنيا الي تعرف اذا انا زعلانه وله معصبه ولا مستانسه فوق العاده والاهم من هذا كله

واحلى شئ فيها انها

تعرف متى الشخص انحرج تروح تغطي على الوضع

خلاص صرت اعرف اذا انا وله اي حد انحرج بالغلط تروح تلزق وراه

فوق هذا كله هالبنت :

ذكيه

طيبه

خلوقه

دمها خفيف

هبله شوي

حليوه

مسويه روحها حياويه

تقول كلام ماتفهمه

 

بس بنت تجنن

_ فوق كل الاوصاف_

 

*وبعد فتره قرابه الاسبوعين كنه في حصه انجليزي او IT والله ماذكر بالضبط بس المهم انه المدرسه عطت بنت اسمها  ))هيا  ((تقرا واحنا طبعا ( يعني انا ومها واعتدال ) انعجبنا بطريقه قرائتها لانه الاكسنت مالها وايد حلو وبعدين اكتشفنا انه بينا كومونز وايد من اهمها كالعاده افلام واغاني

بس مشكلتي مع هالبنت اني وايد اتهاوش معاها في المدرسه اذا قلت يمين قالت يسار واذا قلت فوق قالت تحت قاعدتلي على الحبه

بس في المسنجر لا غير انا وياها سمنه على عسل

والطابع المشرك بيني وبينها بالمسنجر خخخخخخخ منتديات فضايح واخر اخبار شباب هاليومين

هالبنت

حياويه بمعنى الكلمه

خلوقه

طيبه

تحب تكلم عن نفسها وايد

تجنن

 

@ ويابخته الي بياخذها من طيبتها @

خخخخخخخخخخخخخخخخ

 

*تذكرون مغامراتنا مع بثينه و  (( شذى )) ( غنيه عن التعريف اكثر من اخت صديقه رائعه زميلتي من قبل مادخل العلميه )

خلونه من هالسالفه شوي بعدين نرجعلها احين في سالفه اهم تذكرتها وانا اكتب

 

*تقريبا في الاسبوع الثاني او الثالث ابله الانجليزي حطتني جمب وحده الله لايراويكم تكلمني من طرف خشمها عاد خبركم لاني بنت طيبه وحليوه واجنن>> مادح نفسه يبيله .... المهم كنت ابي افتح مع هالبنت سالفه علشان نقعد نسوي شئ مفيد بدال ماقعد مجابلتها ومجابتني بدون فايده .. المهم شفت ساعتها وكانت عندي وحده مثلها رحت ابي افتح موضوع قتلها عندي ساعه مثل ساعتج هي طبعا اول شئ فكرت فيه اني وحده زبايه ابي ارويها انه كل شئ عندي وكانت تكرهني مادري ليش والله اني ماستاهل

بس بعد كم يوم هي وانا اكتشفنا انه بينا كومنز وايد وهالبنت صراحه يمكن اكثر وحده تشاركني التفكير طبعا (( فاطمه )) ماكانت معانه على ايام ثالث اعدادي كان يديده فريش بقراطيسها يعني ماجربت انواع الكرف

هذي البنت

طيبه بس مايبين عليها

تحب القطاوه

دمها خفيف

تحب تلبس سلاسل

خلوقه

عيبها الوحيد انها تحب نجوى كرم

تطق وايد

 

.. بس الي يرافجها لازم يعرف انه حقه ماراح يضيع ..

ام الفزعات

*ودارت الايام واحنا في اول ثانوي وطبعا هذي مب بس اول سنه نكون في ثانويه بعد هذي اول سنه يكون عندنا لوكرات خخخخخخخخخخخخ

ومن كثر ماكنا مستانسين على اللوكرات مافي صوره ماعلقناها

تخبرون صور The rock تارسه لوكري هو وديفد بيكام

والله يسلم شعاع الي رسمتلي صوره Johnny bravo رافت بحالي من كثر ماحبه يحليها صج انها رسمته لي في نوت معفوس بس معليه اهم شئ جوني برافو.

 

*في هذي الفتره ضهرت سالفه يديده صاروا كل البنات يتكلمون عنها الا وهي ستار اكاديمي طبعا كنا نتهاوش من بيفوز وانا كنت ماشجع الى محمد خلاوي اياااااام

ومها وتماضر شذى وفاطمه كل ماقولهم محمد خلاوي جني قلت سم يشبون علي جني ذابحه حد من اهلهم ويروحون يمدحون في الي مايتسمى أحمد المغربي مادري الجزائيري راعي طبوب بس شذى كانت تشجع بشار الشطي  وفاطمه مادري والله كل يوم شكل واعتدااااااااال الي سالفتها سالفه خلتهم كلهم وانقزت عند محمد عطيه  مادري شعاجبها فيه و كانت بتموت علينا لوأنه لو مافاز.

 

 

*بعدها ربعنا طلوا بسالفه يديده الا وهي سالفه ال ibo امحق اسم المراد الله يسلمكم كنا لازم نختار تخصص بلفيت دبلوم وكنا لازم نختار التخصص على حسب شنبي نصير في المستقبل بس اغلب البنات اختارو التخصصات الي فيها ربعهم ومن اهم الاسباب في اختيار بعض التخصصات الا وهي :

الهندسه >>>>>> هروب من الاحياء

البزنس>>>>>> ينبلع وفي احياء ستاندرد و رياضيات ستاندرد ( هاند بريك ) يعني يمشي الحال فيه

لغات>>>>>> اما لغات سالفته سالفه ولا ماده علميه يعني مدمر يحليله

احياء >>>> وما ادراك مالاحياء .. ناس عندها طموح مدمر وفيه احياء ركزو عليها وفيه كيميا يعني مادتين يغثون الواحد مساكين طموحين

جرافيك>>> اما جرفك غير هذيلا ماعندهم غير رياضيات ستاندر و احياء ستاندر والله مادري هو شبيه الهندسه بس على خفيف

 

ومافي اسباب ثانيه تحث الواحد على انه يختار تخصص غير هذي

 

طبعا وكالعاده ماده الاحياء كنا نغث منها فاخترنا هندسه يحليلنا

وكنا وايد نفكر يعني شلون بتكون صفوفنا يالها من ايام...

 

وبعدين جات الامتحانات و لاننسا الشخابيط وخلصنا المتحانات وقفزنا للسنه الي بعدها

 

من القلب إلى القلب

 

والله صراحة مادري شاقول بس تدرون الدنيا تمر بسرعه

واحنا في ثالث ثنوي شدوا العزم والاصرار لتصلوا الى القمه

 

ولكن بالنسبه لي ماذا بعد القمه .. صدقوني يمكن يكون شئ عظيم بس مب اعظم من العز الي انتوا فيه احين

بتقولون لي علميه اي عز واي خرابيط ( اوافقكم الراي وبشده )

بس

خلونه نوقف لحظه نشوف كل الي مر علينا في هالمدرسه

 

الجزء الأول

 

ثالث اعدادي :

 

*اول سنه لنا في العلميه ويمكن بالنسبه لي سنه اكثر من رائعه في هالسنه تعرفت على اعز صديقه عندي(( مها )) الي ماضن اني راح احصل مثلها يوم من الايام

طيبه

حبوبه

ذكيه

متعاونه

صادقه

مخلصه

حلييوه

صديقه اكثر من رائعه رغم عيوبها

فيلسوفه

مهتمه بالتفاصيل

تركز على شئ واحد والباقي يختفي>> مادري ساعات احس انها لمه تركز على شئ تبدأ تكتب وينقلب كل شئ حواليها أسود ومافي شئ مشع غير الكتاب او الدفتر مادري يمكن صج قعدت احلل واضن انه نظريتي صحيحه 95 %

 

بس رغم هذا كله لو الف الدنيا كلها ماراح احصل وحده مثلها

الصديق الصدوق المخلص

الي ينشد فيه الظهر

*ومن البنات الي تعرفت عليهم بعد تماضر وساره وشعاع

ودام اني ذكرت شعاع خلنا نكمل فيها

هذي البنت الي كانت درجاتها بالضبط مثل درجاتي شلون مادري

حتى اختبار الذكاء لو تذكرونه انا جبت 100 وهي 101

مادري شلون لو انها كانت تقعد احذاي وقت الامتحانات معليه بقول غاشه مني >> واثقه الاخت معليه

بس المشكله انها في الطرف الاخر من الصف وانا في الطرق الثاني

شوفو عاد المسافه الشاسعه بيني وبينها

بس سبحانه مجمع المعقول عند بعضها

خخخخخخخخخخخخخخ

 

*تذكرون بنات لمه كانوا الي** يدعسونه في غرفه وحده وكل شنطنه فيها خخخخخخخ عاد تخيلوا بس الريحه والمناظر الطبيعيه كااااااااااك

أيام المناهج السهله والمدرسه الجديده وكنا رافعين خشومنه على البنات الثانيين مدرستنا جديده واحناا بنااات علميه من قدنا والارض ماتشيلنه

والناس اذا وحده قالت انا في العلميه يفتحون حلوجهم ويقولون ماشاء الله في العلميه ويشهقون

خخخخخخخخخخخخخخخخ والله ايام

 

* وتذكرون بعد ايام الامتحانات كلنا مدعوسين في الكافيتيريا خخخخخخخخخ ونشخبط على قمصان الخدامات قصدي الزي المدرسي الجميل

 

*ومره من المرات جات موضة واحد هو وبنت عمه على المسنجر ايميلهم كان الاهبل والهبله وضايفين نص بنات المدرسه خخخخخخخخ وماكانت عندنا في المدرسه سالفه غيرهم مادري هو بنت او ولد الله واعلم

 

أقسم بالله وحشتني هالايام

 

وعيوني تدمع كل ماتذكر

كثر ماتدمع وانا اكتب هالموضوع

 

* اي صح نسيت شئ مهم تذكرون الدري مافي تحته ممر وكان هالممر قصير يعني الطوال مايقدرون يمرون تحته لانه روسهم بتضرب السقف

كنت انا وتماضر من بدايه السنه لين نهايه السنه واحنا نحاول نقيس طولنا على حسب شكثر باقيلنا ونوصل الطوفه الي فوق خخخخخخخخخ طبعا مها كالعاده ماتقدر تدخل .

 

والله من كثر مايعز علي هالممر في اجازه الصيف هذي كنت مشتركه في عمل التطوعي لمؤسسه عيد كانوا ماخذين مدرسه البيان الاعداديه حق نشاطهم الصيفي عاد اول ماشفت الممر هذا فصخت النعال وانتم بكرامه ورحت مشيت تحته اشوف طولت او لا خخخخخخ بس لاتسالوني عن النتيجه فشيله اوكي

 

 

وخلصنا ثالث إعدادي

 

وها نحن ننطلق الى أول ثانوي

تجربه جديده

مبنى قديم

صرنا ثانوي الارض ماتشيلنا صرنا كبار

 

 

 

يتبع

 

 

عربي انا

عربيٌّ أنا أ ر ثـيـنـي.. شقّي لي قبراًً .. و ا خـفـيـني
ملّت من جبني .. أ و ر د تـى... غصّت بالخوف شرا يـيـني
ما عدت كما أمسى أسداً.. بل فأر مكسور العينِ
أسلمت قيا د ى كخروفٍ... أفزعه نصل السكينِ
ورضيت بأن أبقى صفراً.. أو تحت الصفرِ بعشرينِ
ألعالم من حـو لى حرٌّ.... من أقصى بيرو إلى الصينِ
شارون يدنس معتقد ى... ويمرّغُ فـي الوحل جـبـيـني
وأميركا تدعمه جهراً... وتمدُّ النار ببنزينِ
وأرانا مثلُ نعاماتٍ ... دفنت أعينها في الطّينِ
وشهيدٌ يتلوهُ شهيدٌ ... من يافا لأطراف جنينِ
وبيوتٌ تهدمُ في  صلفٍ ... والصّمت المطبقُ يكو يني
يا عرب الخسّةِ د لونى... لزعيمٍ يأخذ بيميني
فيحرّر مسجدنا الأقصى.... ويعيد الفرحة

أحمد مطر

 

 

 

 

حوار القوافي       عيبٍ على رجل انحنى في وجه نسناس الهبوب

من عقب ماهو مرتكي لخفافها وثقالها

بدر تراك الشمري

وعيبٍ على رجلٍ بكى من أهون أنواع الخطوب

قولوا لي إخته يالربع بالله واش خلى لها

شريدة المعوشرجي

 

 

 

الفية التوبة

 

ألف أولّف من حروف القصايد ** بحا لٍ سقيمه لوّعتها المكايـد

تشدى ظليمٍ عالـقٍ بالمصايـــد ** اطلب رجا ربي ودرب السلامه

أنا الذي عايش بعيشة دلالي ** أنا الذي ضيّعت عمري وحالي

أنا الذي بالغت لاجل الكمالي ** الكامل الله بالفعل والعلامه

انا الملازم للذنوب العظيمه ** انا المفارق للدروب السليمه

انا المفاخر بالجدود القديمه ** انا غريقٍ في دروب العتامه

البا بديت الذنب بأولة عمري ** مااحدٍ غصبني لكن انه بأمري

اليوم انا اضحك باكر اصلى بجمري ** يالله تراني باديٍ بالندامه

التا تشوف الحال كنّي مخلّد ** هم ما دروني ملتهي ومتبلّد

انا وغيري صايرينٍ نقلّد ** اهل التعاسه والخزي والشتامه

الثا ثلاث ارباع عمري مباتي**  الباقي ذنوب ٍ وقلّة صلاتي

ربي وجاهي مسندي في حياتي ** ابي المروفه بدنيتي وبختامه

الجا جزيت انعام ربي الكبيره ** بفعل الذنوب اللي علينا خطيره

كنّي معمر داخل ارض الجزيره ** نسيت ايام البعث والقيامه

الحا حبيبي ومسندي واتكالي ** عزّي وعويني وسطوتي ذا الجلالي

يبعد حياتي عن دروب الخمالي ** ينوّر لي قلب عا يشٍ بالظلامه

الخا خذيت سنين عايش بظنّي ** اقول ديني مسلم ٍ ثم سنّي

قولي ضعيفٍ دون الافعال منّي ** ينقص كلامي دعوةٍ للفهامه

الدال درب جنان عدنٍ صعيبي ** لوهو سهل كان السعد من نصيبي

كانت جميع الخلق معنا تصيبي ** هيهات منهو صايبٍ في سهامه

الذال ذلّيت انفضح عند ربعي ** نسيت داعٍ بالحشر يوم يدعي

يوم الجوارح تذكراسمي وطبعي ** فعولٍ فعلته كل ابوها ملامه

الراء رجيت الله رب البريّه ** بتسعه وتسعينٍ ذكرته سويّه

يغفر ذنوبي والفعول الرديّه ** هو ذاالجلال وذاالعدل  والكرامه

الزين زمزم والقدس والحطيم ** خير البشر كل الصحابه عميم

حبّي لهم جعله شفيعٍ عظيم ** هذا رصيدي وباقي حياتي عدامه

السين سوّفت العمل وقلت باكر ** صرت بفعولي جاحدٍ ثم ناكر

ليتي من أول نادمٍ ثم شاكر ** ليتي مسدّد كل ذنب وغرامه

الشين شبّيت بترف واعتدالي ** نسيت حالي وكل فعلٍ مضى لي

نسيت راع الفقر والزوالي ** انشهد اني عايشٍ في سقامه

الصاد صرنا مثل قوم السفينه ** يومه تموّج بالبحر قالوا حينه

توبه لربٍّ نطلبه ونستعينه ** يومه رحمهم عوّدوا  في حرامه

الضاد ضيّعت عمري والشباب ** حالي كما عطشان يطرد سراب

نسيت ساعة دفننا بالتراب ** ساعة عذاب الروح داخل عظامه

الطا طويت الحزن أو هو طواني ** المسعد اللي فايزٍ بالجناني

ولاتولّع في جمال ومباني ** اعتاض عنها بالودود وكلامه

العين عقب الموت أمرٍ عسيري ** لفوا  علي من الكفن  مستديري

مااقدر أحرك خطوةٍ في مسيري ** هذي النهايه عقب طول الاقامه

الغين غالي هالنعش أو زهيدي ** كلّه مردّه في مكانٍ وحيدي

لاخادمٍ يدخل  ولابه شهيدي ** ما غير منكر هو ونكير أمامه

الفاء فديت برجعتي كل قومي ** بس أرجع لد نيتي واقضي لزومي

ابي اعمل الصالح على طول يومي ** لكنّ ربي قاضيٍ بالتزامه

القاف قرّب موعدي مع حسابي ** إما لروضه أ و أذوق العذابي

لاواسطه تنفع مابه كتابي ** مابه وصاةٍ من أمير وفخامه

الكاف كل الخلق تبي الشفاعه ** كلٍ يمدّ بخطوته وبذراعه

يبي الرسول اللي عظيم انتفاعه ** صلاةٍ وتسليمٍ  لراعي الزعامه

اللام لاشي ينفع بعدها ** إما لجنّه كل مسلم نشدها

والا لنارٍ تحترق في عمدها ** هذي نهاية دربنا والقسامه

الميم ماني شاعرٍ ويتغنّى ** لا ني مهبولٍ يهتوي ويتمنّى

لاني كذوبٍ بالحديث يتبنّى ** هذي حقايق ماعليها لثامه

النون نمكر نحسب  إنّه ذهانه ** والماكر الله بالسما جلّ شانه

ياكم مشينا في دروب الخيانه ** مثل الغراب اللي يقلّد حمامه

الها هبيتي يادروب المضرّه ** وش لي بدنيا ماوراها مسرّه

كلّه هقاوي وكل ابوها مغرّه ** وابليس فيها عايشٍ بالنمامه

الواو والله ماوراها سعود ** وش ينفع الجلسه وطول القعود

دنيا دنيّه والخلايق شهود ** شهودٍ على الدنيا ودورة نظامه

اليا يطيب القول بأ تلى  كلامي ** بذكر الرسول اللي عليه السلامي

عداد المرابع والجراد التهامي ** خير العرب ساس وطيّب مقامه

 

للشاعر\ ناصر البكر